DAR

https

❤ڈار ❤دے❤دوہڑے❤

موقع قسمت نال ڈھی گیا اے پڑ ڈار بنڑا کے جاساں

میں مار کے نعرہ حیدر دا اج کھیڈ کھڈا کے جاساں

تینوں ڈھیر غرور جوانی تے سبھے وہم مکا کے جاساں

تینوں بتیاں دے وچکار سجن گاٹے تائیں دفنا کے جاساں

🌹🌹🌹🌹🌹🌹

تساں صرف شکار دا ناں سنڑیائے پتے وچ میدان دے لگدن

اوہ بدل کدائیں نئیں وس سکدے جیہڑے زور تو چوکھا گجدن

دریا خدا دی رحمت دے پئے ڈار دے سر انج وگدن

سہہ یار شکاری تیں ورگے میری گوڈی آنڑ کے لگدن

🌹🌹🌹🌹🌹🌹🌹

تینوں دتی آہی عزت ماب بنڑا کے اساں اپنڑے دل دی جوع اے

چنگا مل پاچھڈیائ بھلیاں دا میرے کانڑ چا کھٹیائ کھوہ اے

اسی ڈار نیت دے چونڑ آسے تیری عزت بنڑائ ہر سو اے

اوقات مطابق وڈھ لیا ای تیری زات تے کتیا تھوہ اے

🌹🌹🌹🌹🌹🌹🌹

میں کدنڑ دا تیرا منہ ودا تکناں توئیں کیتی قطن حیاء نئیں

لا جبھ تے جندرے غیرت دے اوقات چوں باہر آ نئیں

اجے بال ایں کھیڈ کھڈونڑیاں سنگ رکھ دل اچ لڑن دے چا نئیں

گھر اپنڑے دا راہ بھل ویسیں سوئ ڈار دے نال پھسا نئیں

🌹🌹🌹🌹🌹🌹🌹
رج ویکھ کے ہوش اچ نہیں راہندے جنہاں ویکھن جمدیاں فاقے

راہے جاندیاں بھرم نیلام چا کرنا چڑھ حولے بشر دی ڈھاکے

ٹل ورت ناں کملیا داند اتھرے قابو کر نہیں سگدے کاکے

جہڑے پھرن ہمیشہ اروڑیاں تے کداں بنڑدن ڈار لڑاکے

🌹🌹🌹🌹🌹🌹🌹🌹🌹
بندے راٹھ دا ناں رسوا کر کے چتو نام کماندے پئے ہن

لوکی فائدے ڈار شرافت دے ناجائز اٹھاندے پئے ہن

اج رکھ کے غیر دے موڈھیاں تے سرعام چلاندے پئے ہن

ودے مومے لگدن ترڈیاں نوں اج شیر سداندے پئے ہن

🌹🌹🌹🌹💓💓💓💓

دیہیوں چٹا شرط نئیں بھڑنے دی بھاویں ٹکرے رات تے دشمنڑ

مارو ڈھوڈ کے چھڈنڑ دا تک کوئ نئیں سدا راہندائے گھات تے دشمنڑ

ڈھہہ پوندائ ڈار اداں پیراں تے آوے جد اوقات تے دشمنڑ

میرا لکھیا پڑھ کے من گجدائیں تھوہ تیری زات تے دشمنڑ

🌹🌹🌹🌹🌹🌹🌹🌹

ناں شیر دا بھج کے چا لیا ای ایہہ لقب نئیں تینوں جچدے

ہووے کوڑ تے ڈار لدھی ویندائے اچے بول ہمیشہ سچ دے

بندہ ہوندائ بےعزت زمانے تے انعام نئیں لبھدے کھچ دے

تیرے ورگے شاہزور زمانے دے میری انگل تے راہندن نچدے

🌹🌹🌹🌹🌹🌹🌹

ہوندا بشر اصیل تاں من لئیں ہا اوہدے پڑ اچ راہنڑ دے دعوے

بزدل دے منہ اچ پھبدے نئیں بھارا ویر دا چانڑ دے دعوے

میری سوچ حیران پہاڑاں نوں تیرے نت نت ڈھانڑ دے دعوے

جیتھوں کیڑی ڈار نئیں مر سکدی کرے ٹبر مکانڑ دے دعوے

🌹🌹🌹🌹🌹🌹🌹

چوکھی میں میں کیتیاں نئیں ہوندا کدی کئیں جاگیر تے راج اے

سانوں بھنڈ کے جھوٹی شہرت دے کر مگر فضول نہ بھاج اے

کن دھر کے سنڑ لے ڈار دی گل جے کرلیائ سخت مزاج اے

ساڈے پاسے وگڑیاں تگڑیاں دا ہوندا ڈانگاں نال علاج اے

🌹🌹🌹🌹🌹🌹

نہ نکل تمیز دے دائرے چوں رکھ بھوری زہن چوں کڈھ کے

ازمائش نہ کر میرے صبراں دی اخلاق دے رکھ نوں وڈھ کے

جداں پڑ اچ ڈار کھلو ونجنڑائیں اساں ڈانگ زمین اچ گڈ کے

میں نسل جناب دی جانڑدا ہاں تساں نسنڑائیں جتیاں چھڈ کے

🌹🌹🌹🌹🌹🌹

منہ پرنے سٹیائ ڈار نوں چن رسا کپ کے ساجھ دی لاہیں دا

ہاں غیر دا کجیائ سر رکھ کے میرا بھن کے آسرا باہیں دا

گھر بار لٹیائے توئیں بندے تے رکھ تقوی سجن وفائیں دا

کتا نسلی حلال کریندا اے کھادا ٹکڑا ہک دیہں سائیں دا

🌹🌹🌹🌹🌹🌹

اج وڈھ لئ آ دندی سائیاں نوں اوقات دسا نہوں چھوڑی

بھرے پڑ اچ وانگ مسلیاں دے پوری فوج مرا نہوں چھوڑی

اج ڈار دے ساویں پڑ لا کے ولدیت وٹا نہوں چھوڑی

گیوں بنڑ اولاد دلالاں دی پوری نسل پنڑا نہوں چھوڑی

🌹🌹🌹🌹🌹🌹🌹

نہ سجن کراڑیاں گلاں کر کیڈا وہم ای اپنے دم دا

انجے اپنڑاں بھگل لہوا لئیسیں کر ترس چا اپنڑے چم دا

میری قیمتی مت ائ یاد رکھیں پتہ کوئ نہوں اوکھے شم دا

جے شیر نوں گدڑ بنڑا نہ چھوڑاں آکھیں ڈار کسے نئیں کم دا

🌹🌹🌹🌹🌹🌹

میری گل سمجھیں یا مت سمجھیں وریاما اجھک کھلو اے

میری چپ تو ساہ تیرا ودھ گیا اے نہ ساہناں لینڑ تو لوہ اے

گل کیتی ہوئ ڈار سیانڑیاں دی کدی غلط نئیں سکدی ہو اے

نہوں شابش ملدی بھوکنڑ تے بندے کردے ہن توہ توہ اے

🌹🌹🌹🌹🌹🌹🌹

ایہہ لوک نی پتلے غیرت دے پہلاں صبر دی ٹپ حد جاسن

تیری ہتک توں کیتی ہوئ ہر گل دا اسے پڑ اچ کڈھ دھد جاسن

تیرے جملے بھرے ہوئے تنزاں دے برداشت توں جد ودھ جاسن

وت ڈار دے ساویں توں ای نئیں تیرے سائیں تائیں کن پھد جاسن

🌹🌹🌹🌹🌹🌹

تیرا میرا سانگا قائم رہوے لگے کئیں دی ڈار نظر نئیں

میرا مانڑ اے شانی سنگت تیری وڈا اس توں مال تے زر نئیں

لجاں پال کے بیلیا دس چھڈیائ تیرے ورگا جمنڑاں نر نئیں

تیرے ورگے راٹھ دے سنگ دے وچ گدڑاں دی فوج دا ڈر نئیں

🌹🌹🌹🌹🌹🌹🌹

توں پہلا نئیں اس دنیا وچ اگے ڈھیر میں ویکھن سڈھے

بندہ لبھ کوئ آپنڑے وائے پائے دا پا ڈار دے نال نہ پھڈے

ایہہ کم تینوں سوٹ وی نئیں کردا جا جا تے لاونڑے اڈے

تیرے ورگے رانڑی خاناں دے لکھ واری وہم پئے کڈھے

🌹🌹🌹🌹🌹🌹

گل مکدی اے آخر نسلاں تے
چتو راٹھ اکھویندا کوئی نوں
بندے نیچ دے سر لجپالیاں دا  
کدی تاج دھریندا کوئی نوں
جگ جانڑدائے پتل دے ساویں تے
سونا ڈار تلیندا کوئی نوں
چوکھا بھوکن نال وی سونہہ دیناں
کتا شیر سدیندا کوئی نوں

🌹🌹🌹🌹🌹🌹

سانگے گڈھے آہنی نال پلالیاں دے گیوں جانڑ کے بنڑ انجانڑ اے

تیری اپنی عقل تے پردہ ہائ ہانی خود غرضاں تے مانڑ اے

دے ڈار نئیں دوش نصیباں تے تیری آپنڑی غلط پہچانڑ اے

بھلا باندر کونڑ بہاندا اے چنیاں دی راکھی کانڑ اے

🌹🌹🌹🌹🌹🌹🌹
ہوندے قائم حالات تاں چن ماہی تینوں ہونڑ بے وس ناں دیندا
ہتھیں دیندا جام محبتاں دے تینوں لگنڑ میں تس ناں دیندا
تیری ڈھال بنڑاں ہا اوکھ دے وچ تینوں چھوڑ بےکس ناں دیندا
وچ کفس دے ڈار پابند جو ہاں نئیں تاں اپڑ کے دس ناں دیندا

🌹🌹🌹🌹🌹🌹🌹

ایڈی ات نہ چا ککھ فائدہ نوں میرا سجنڑ وگاڑے اند

ہوندی ڈار ائی جھلک تکبر دی ہر بول کراڑے اندر

ایہہ جو رب دی قدرت اے دے سگدائے دیوے نور جے ماڑے اندر

کیہڑا ڈھاندائے کیہڑا کنڈ لاندائے گل کھلدی اے کھاڑے اندر

🌹🌹🌹🌹🌹🌹

پراں زہن چو کڈھ چا ماڑیاں نوں دل ہور کسے دا موہ لے
کئیں ہور دے سنگ اچ گھل مل کے کر ڈار دے نال دھروہ کے
میں تیرے ساویں ناہ ہلدا تیری مرضی اے کر جو لے
جہڑی تھاہر تے تیرا روح راضی اُسے تھاہر تے بیلیا کوہ

🌹🌹🌹🌹🌹🌹

تیرے کانڑ نہ لکھ توں ککھ ہوندا راہندے بخت جے ڈار دے تھاں تے
توں سجن بہیندوں اکھیاں تے نہ سٹ کے ویندوں راہں تے
دراصل توں لوڑ دا بیلی ہائیں پیوں الٹ توں چن غرضاں تے
توئیں کاروبار چلائی رکھیائے میرا سجن سنگت دے ناں تے

🌹🌹🌹🌹🌹🌹🌹

اسی کملے عقل دے تھوڑے ہائیں تیرے وانگ سیانڑے کوئی نئیں

تیرے سجن معیار تو ڈھے گئے ہائیں جو ساڈے بخت ٹھکانڑے کوئی نئیں

ہنڑ ڈار ساڈی وی بس ہوگئ مچ سنگت دے تانڑے کوئی نئیں

تیرے شوق بلند ہن میرے گھر اینے بیلیا دانڑے کوئی نئیں

🌹🌹🌹🌹🌹🌹

نت نویں سردار دے سر دی زینت تسی سجنڑ کرائے دا تاج او
بیلی کپڑیاں وانگ بدلدے او پچھے زر دے کردے بھاج او
میرا دعویٰ اے لوڑ ناچیز دی راہسی بھاویں ملکھ تے کردے راج او
گلے شکوے غیبت کانڑ ای سہی میرے ناں دے ڈار محتاج او

🌹🌹🌹🌹🌹🌹

نئیں باطنی زہر دا علم ہوندا ڈاہڈے مٹھے او یار زباں دے

اکا حد کر چھڈدے او پالش دی ہو جاندے او ساجھے ساہں دے

دھڑ کر کے میریاں دشمناں دی نعرے جبھ تے ڈار دے ناں دے

ہالا شیری کر کے چس لینڑی امریکی زہن تساں دے

🌹🌹🌹🌹🌹🌹🌹🌹

بدنسلا بشر کنڈیتائی رہے پگ ملکھ دے وچ لاہ چھڈدائے

راکھی ساجھ دی فصل دی کرن کجا گڈی ہوئی تے ہل واہ چھڈدائے

کوئی سوچو ہک ادھ ڈار ہوندائے جہڑا سنگت تے جند لا چھڈدائے

چنگی نسل دا نوکر ای بھیڑ دے وچ کھادے نمک دا مل پا چھڈدائے

🌹🌹🌹🌹🌹🌹🌹

تینوں ڈٹھیاں ساڑ ختم ہوندن ٹھڈی وا دا جھولا لگنائیں

باقی ملکھ دے کانڑ توں ماسہ سہی مینوں ثابت تولا لگنائیں

میں ڈار دے بھانڑیں پریاں دا سردار توں ڈھولا لگنائیں

انسان نیں لگدا سونہہ رب دی کوئی یار پٹوہلا لگنائیں

🌹🌹🌹🌹🌹🌹🌹

رہے رابطے نئیں تاں کی ہویا اجے نام تاں ہوسی آ یاد اے

جہڑی آخری ڈھلی آئ سانگھے دی اوہ شام تاں ہوسی آ یاد اے

میں خاص نہ سہی تیرے کاغزاں وچ کوئ عام تاں ہوسی آ یاد اے

چلو ڈار آغاز بھلا چھڈیائ انجام تاں ہوسی آ یاد اے
🚴‍♀

🌹🌹🌹🌹🌹🌹🌹🌹

ہتھیں انگل نپا کے نال ٹرا کے جئیں بشر نوں جھلا کیتائ

جینوں بھکھدیاں ڈار انگاریاں دی دہلیز تے کھلا کیتائ

بھلا دس تاں سہی مسکین دی روح کیہڑا جرم اولا کیتائ

ککھ ترس نہوں آیا عید دے دیہں اوہنوں سجنڑ ہکلا کیتائ

🌹🌹🌹🌹🌹🌹

تیرے نال مقابلا بنڑ دا نئیں انجے پھردا وتنائیں ہلا

اوہ بشر کی ویر نبھا سگسی جدھے گھر نئیں بلدا چلہا

ہئ مشورہ ڈار دا من لئیں تاں انجے کملیا وتنائیں بھلا

یا تاں میری جوڑ دا ویری لب یا کر پنجاب نوں کھلا

🌹🌹🌹🌹🌹🌹

میتھے ویکھ ویلا غربت دا لوہ غیر دے سنگ دی لئی آ

ناہیا جڑدی ٹیک رقیباں دی بہوں اوپرے ڈھنگ دی لئی آ

جیویں کیویں وی ڈھئی آ اوہ جانڑے چس بخت دے رنگ دی لئ آ

توں تاں دل دربار دا مرشد ہائیں چنگی کیڑ ملنگ دی لئی آ

🌹🌹🌹🌹🌹🌹🌹🌹

کداں بھوئیں تے باہنڑ پسند کردائے جداں ڈھی گیا سجن نوں تخت اے

ایویں کملیاں وانگ نہ جی جی کر گھت ڈار نہ جان نوں وخت اے

توئیں مفلس دی قربانیاں نوں جداں وسر گیائے یکلخت اے

توں وی من ونج غربت ہر گئ ہئ بازی لے گیا کئیں دا بخت اے

🌹🌹🌹🌹🌹🌹

گلاں نال پہاڑ کداں نئیں ڈھائے میں لج دی ڈور تے لڑناں

نئیں عادی ویر مکاونڑ دا عمراں دے کھور تے لڑناں

پڑ ڈار میں ساویں جاہ لیناں ماڑے دے سوہر تے لڑناں

نئیں لیندا ٹیک بندوقاں دی میں بانہہ دے زور تے لڑناں

🌹🌹🌹🌹🌹🌹

گل سوچ کے کر متھا لاونڑ دی پہلاں ویکھ لے وایا اپنڑاں

ہتھ جہڑا گلمے تائیں آوے میرا شیوہ اے مڈھ توں کپنڑاں

سروں ڈار بلند کر انج سٹساں وس لگدیاں کئیں نہوں جھپنڑاں

تیرے ورگے راٹھ دی دھونڑ تے لت میری عادت اے رکھ کےٹپنڑاں

🌹🌹🌹🌹🌹🌹

کر اوڈا ای وینڑ سیانڑاں بنڑ جیڈا ہئ چن اپنڑاں ویہڑا

کوئ لبھ چا پنڑے وائے پائے میرے نال بنڑا نئیں جھیڑا

تینوں پک جو نئیں توئیں دھالے دا انج کرنائیں ڈار نبیڑا

تیرے گل جتیاں دا ہار ہوسی توئیں دیونڑاں اے شہر دا گیڑا

🌹🌹🌹🌹🌹🌹

ٹھوہ چڑ گیائیں وا دے گھوڑے تے منہ بھار اخیری ڈھاسیں

بھج وگیائیں غیر دے تھاپڑے تے ہر کئیں دے نال ونجاسیں

مت ڈار دی من لے فخر نہ کر ایہدا بہوں نقصان اٹھاسیں

میرے ہوڑیاں بلکل نیں پیا راہندا تھنی ڈھول کٹا کے راہسیں

🌹🌹🌹🌹🌹🌹

پچھاں ہٹنڑ تے دل ہسڑیندا اے پر چن مجبوریاں ہوئیاں
اک دھند جئی دسدی اے ہر پاسے اکھیں انج بے نوریاں ہوئیاں
وس لایاں ای تیریاں یاداں توں نہ چن مفروریاں ہوئیاں
اللہ میل کراسی ڈار دا ماہی ایہہ تاں عارضی دوریاں ہوئیاں

🌹🌹🌹🌹🌹🌹

ہینی بخت دے ویلے نیتاں نوں
اج کوئی نؤں ڈار پرکھدا
غربت دے پاروں ملکھ دے وچ رہ بھرم گیا نئیں ککھ دا
جہڑا دل اچ مچ ہائی جزبیاں دا بڑی مدت تو کوئی نئیں بھکھدا
کدی جا ہائی ملکھ دی تلیاں تے اج زہن اچ کوئی نئیں رکھدا

🌹🌹🌹🌹🌹🌹

میں منداں ہر کوئی آپ سیانائے کہنوں اثر کریندی مت اے
کدی سجن اوقات دے گھیرے چوں نہ باہر رکھیوے لت اے
بچ ڈار سنگت دیاں چکراں توں کوئی ویہدا نوں لج پت اے
مل نوں پوندا لجپالیاں دا بھاویں وار چھڑیوے رت اے

🌹🌹🌹🌹🌹🌹
🌹🌹

ہائی انج ای بنڑدا جیویں کر سٹیا ای تیری سنگت دے قابل ناسے
چنگا کیتا ای تاڑیاں ماریاں نی کے کرنے ہان دلاسے
تینوں سجن خرید کے لے آئی آں ایڈے کوئی نہ ہن ڈار اثاثے
اس کداں کوئی موڈھے دے سگنین جئیں پننے ہن چا کے کاسے

🌹🌹🌹🌹🌹

ویکھے اج تائیں نہوں بال کے بھامبڑ صدا بیٹھا ایں ڈھول بلی تے
ہتھ رکھنا اوکھا ہو جاندا ای بانہہ پڑ اچ سجن کھلی تے
انجے کملیا آپ پیا گجدا ہئیں کھل اپنی سجن گلی تے
دند منہ دا مال ای سامبھ کے رکھ رکھ دیسی آ ڈار تلی تے

🌹🌹🌹🌹🌹🌹

پَگ *ڈار* سراں تے سجدی اے کوئی وُقعت نئیں دیندا لِنگ نوں

سودے بھجدن سجن لیاریاں دے چھڑا ویکھ کے بُھرے ہوئے سِنگ نوں

ہووے چن اوقات نہ آنے دی وت آکڑ رکھنی اے دِھنگ نوں

اُداں الٹی چمڑی لہندی اے جداں نوکر گجدن کِنگ نوں

🌹🌹❤❤

ساڈی جی نوں ساڈا ظرف سمجھ, تا نئیں نفرت دیاں بَٹھیاں

تے ڈِگ نئیں مخلوق دی نظراں چوں, گَلاں کر کردار توں ڈَٹھیاں

ہِکے پَل دے وچ کروا لئیسیں, انجے اندر دیاں سوڑاں مَٹھیاں

کیہڑی *ڈار* تریلی مَرداں نوں, لَکھ ہون کُتیکاں کَٹھیاں

🌹🌹❤❤🌹

💓💓💓💓

ویکھے اج تائیں بال کے نہوں بھامبڑ سدا بیٹھائیں بلدیاں بھائیں تے

پیا نچدائیں کئیں دیاں انگلاں تے بھاندا کوئ نہوں ڈار نگاہیں تے

کسے بھیڑ اچ کیڑ وی نہوں لینڑی تیرا عقل نئیں کملیا تھائیں تے

ہتھ رکھنڑاں اوکھا ہو جاندائ بھرے پڑ اچ کھلیاں بانہیں تے

🌹🌹🌹🌹

چنگا موڈھا دتائ ڈھاندیاں نوں راہسی زہن تے، ڈار،  ہمیشہ

توں وی ڈھٹھا ہویا ویکھ کے کوہ لئیسیں اس گل دا ناہی اندیشہ

جانڑو بنڑ کے آپ نچوڑ لیائ میرے خون دا اک اک ریشہ

رج پج کے بیلی بدل لینڑیں ہائ تیری نسل دا پیشہ

🌹🌹🌹🌹

بندہ مخلص ہووے سونہہ رب دی اوہنوں آپ توں اعظم رکھناں

دیناں عزت برابر پیراں دے اوہنوں دل دا ناظم رکھنا

میں تاں دشمنڑ چنڑاں تے نسلاں دی تفریق نوں لازم رکھنا

تیرے جئے وریام تے رانڑی خاں میں ڈار ملازم رکھناں

🌹🌹🌹

بت اک کے ڈار ہنڑ کڈھ لیا اے کوڑی سنگت دی چن دلدل چوں

بہوں اوکھا زہن آزاد ہویائے تیرے جھوٹ فریب دی چھل چوں

اگے ڈھیر خسارے جھل بیٹھاں میں نکل کے اپنڑی کھل چوں

ہنڑ نئیں نچدا تیرے ڈگیاں تے لاہ ڈھول یاری دا گل چوں

🌹🌹🌹🌹🌹

انجے صرف بکارے کنڈ مگروں گلاں نال پئے کرنے ٹوٹے

ایہیے بزدل منہ تے آجاون دنداں ہیٹھ چا دیندن پوٹے

میں تاں کلا کاراں پڑ دے وچ بھاویں بنڑ کے آون جوٹے

جہڑے آپ کھلوندن سوٹیاں تے کداں ڈار مریندن سوٹے

🌹🌹🌹🌹

بیلی بنڑ کے دیویں کوئ ڈر نئیں دے نت پیا ڈار لتاڑا

پر چڑھ نئیں ات دے گھوڑے تے بنڑ ظلم دی جنج دا لاڑا

چپ فطرت سمجھ عقاباں دی ڈر جانڑ کے ہو نئیں چاڑا

اسی کھب پھڑکاندے آں امبراں وچ پایا کدی نئیں چیک چہاڑا

🌹🌹🌹🌹

تیرا کے ونجڑائیں جے نفرت دی انجے بے جا جوگ نہ جوئیں تے

سدا راٹھ سدیسیں سنگتاں اچ ہکے جا تے ڈار کھلوئیں تے

لہہ ویسی آ ہک دیہوں یاد رکھیں نشہ بخت دا چڑھیائے توئیں تے

جیڈی اچی چن پرواز ہووے لاہنڑاں پوندائے آخر بھوئیں تے

🌹🌹🌹🌹🌹

جہڑے اجکل سبق توں پڑھدا وتنائیں ایہہ حفظ ہن ڈار نوں پڑھ کے

چپ کر کے ڈنگ دھک زندگی دے انجے مر نئیں کئیں پچھے لڑ کے

تینوں ٹھوہ اوقات معلوم ہو ویسی ہک واری ویکھ توں اڑ کے

ساری زندگی  شرم تو لکدا وتسیں دھوساں انج توئیں ساہن نوں کڑ کے

🌹🌹🌹🌹

لیسیں ڈار دے پاسے ظلماں دا رخ پھیر تے دھکا کرسیں

مینوں ہینڑا سمجھ کے مارن دا کریں ہنیر تے دھکا کرسیں

ویکھیں جدنڑ وی آپ توں لسیاں تے ہوسیں شیر تے دھکا کرسیں

ہئ زات جو سجنڑ چھٹاکی دی بنڑیں سیر تے دھکا کرسیں

🌹🌹🌹🌹❤🌹

فیر ہوندن سجن بندوقاں دے منہ نال تاں ہوندی ٹھاہ نئیں

نا چاگ بنائیے لوکاں دی جے ہووے *ڈار* وجود اچ ساہ نئیں

تے اکھ سجن وکھاونی پاؤندی اے گلاں نال تاں ہوندی واہ نئیں

اونو مرد نہ منندا سٹ کھا کے جیہڑا پیر تے مارے داہ(10) نئیں

🌹🌹🌹🌹

تینوں ڈھیر چا اے شریکے دا پڑ بنہہ کے مار نہ گتیاں

نئیں آ ڈار دے ساویں جھٹ کڈھنا جیڈا دور پکا پیا کتیاں

بد بختا عقل مری گئی آ مینوں دسنا ایں کھاڑے بتیاں

میرا دل ناہی پر تیری عادت اے جاہ جاہ توں کھانیاں جتیاں

🌹🌹🌹🌹🌹🌹🌹

بدنسل تے بدتہزیب بشر مخلوق نوں بھاوے کوڑ اے

ہووے ڈار منافق دوں پاسے اگ نہ بھڑکاوے کوڑ اے

بندہ محنت کپ کدی جانڑوواں تے ہک دمبڑی لاوے کوڑ اے

جدے ڈانگاں ہون مقدراں وچ اوہ کھیر پچاوے کوڑ اے

🌹❤❤❤🌹

توں تاں کول بہانڑ دے لائق وی نیں تیری اک وی چج دی گل نئیں

ایہہ تاں لکھی پڑھی گل اے ہر تھاں تے نت کوڑ وی سگدا چل نئیں

کسے اک نوں یار بنڑا کے رکھ کر ہر نوں سنگت دا بھل نئیں

جہڑا سجنڑ وٹاوے دیہیوں راتی ہوندا ڈار حلال دا پھل نئیں

🌹🌹🌹🌹❤❤
سُنڑی بیٹھاں ملکھ دا رش تَک کے, چودھار مرینا ایں چیکاں

بَنی بِھیڑ تاں بالکل سوچیں ای نئیں, دینڑا کوئی نہوں ساتھ رفیقاں

جے کِلی ہرن بنڑا کے ٹور دِتا اے, تینوں بِھڑن دے کان شریکاں

صَدیں *ڈار* نہ سجن کَڈاواں نئیں, تیتھوں نَک دے نال جے لیکاں

🌹🌹🌹🌹🌹

دیوں نقد جواب تیری ہر گل دا ککھ ڈھول ادھار نہ چھڈاں

تیرا سارا نقشہ ظاہر کراں کائی ہک وی تھاہر نہ چھڈاں

رکھ *ڈار* حیاء نوں ہک پاسے تینوں رول بازار نہ چھڈاں

میرے کلے تے بَجھ کے ہون توڑیں مینوں بھونکیں مار نہ چھڈاں

🌹🌹🌹🌹🌹🌹

نہوں ڈار دا وال تریڈھاں کرنا چناں انج رنگ بازی کر کے۔

ہوسیں بعزت بیگانے راپھراں وچ اینویں دخل اندازی کر کے۔

تے میرے نال گُمان ای ٹُر ویسیں تو نُوسر بازی کر کے۔

ہتھ چڑیوں جدن وی میں گھلساں تیرا رانجھاں راضی کر کے۔

🌹🌹🌹🌹🌹

بُکھا سد نئیں لوک کمائی بیٹھاں، کائی چن پریشانی لے نئیں

کوئی ہک ادھ بشر تے من لیناں، میرے ورگے ہوسن سئہ(100) نئیں

توں سچا ایں میرے باطن دی، تینوں بالکل خبر جو ہے نئیں

چھڑا لوکوں باہر نکل ویکھیں، تیرا ڈار وی عام جئی شے نئیں

🌹🌹🌹🌹🌹🌹🌹🌹

بھرے ملکھ وچ سر جھکوا چھڈیا ای، انصاف توں کیتا جج نئیں

گلاں چوکھیاں سجن سنڑا گیا ایں، رکھی توں کوئی پریت دی لج نئیں

تے کیہڑی نیک امید میں کل تے رکھاں، جداں *ڈار* منیندی اج نئیں

چٹا چونے ہار جواب چا دتا ای، تصویر منگی ائی کوئی مج نئیں

🌹🌹🌹🌹🌹🌹🌹🌹

شالا ہر دم قائم نصیب ہونی راہنی بخت دے بیلیا جھولے

تیرا کئیں مشکل پریشانی وچ نا ڈار مقدر ڈولے

توں پورا ایں سنگت دی ترکڑی وچ جنھوں شک اے وزن چا تولے

جا کوئی نئیں تیریاں جوڑاں دا تیرے بیلیا جگ تے رولے

🌹🌹🌹🌹

پئی ٹیک جنہاں دی باہنڑ نہوں دیندی تینوں بوڑنائیں اوہناں ای سنگاں

بنڑ پئی تے وادھیاں گھاٹیاں دی سوچی کدی نہوں یار ملنگاں

میں تاں امن دی چاہت لئی وتناں توواں تلیائیں لڑن تے جنگاں

جے لت نہوں لگدی کوئ ڈر نئیں پائیاں ڈار وی کوئ نئیں ونگاں

🌹🌹🌹🌹🌹🌹
۔❤❤❤❤

نسلاں تائیں سنگت نبھا چھڈدن, بیلی چنگی نیت دے مالک

بئیمان نئیں بننڑدے دل ورگی, اس پاک مسیت دے مالک

سُر ڈار بے سُر نئیں ہون دیندے, کدی سُر سنگیت دے مالک

کدی اعلٰی ظرف نئیں ہو سکدے, بندے سوچ پلیت دے مالک

❤❤❤❤

چوکھا سُگڑ چالاک ہائیں کے بنیوئی, پیا اتھرائیں ڈھول سٹینڈا

او کدے ائی جیندی سنگت دی پھٹ توں, ناہے سجن زمین نوں ویندا

تے الزام نصیب نوں دیویں نئیں, ناہے گل تے غور کریندا

انسان دے ڈار مغالطے وچ, رہیوں سَپ نوں لوریاں دیندا

❤❤❤❤❤

ہر بشر نوں راٹھ سمجھ لیندن، جیہڑے چمک تے بُھلے ہوندن

نئیں پرکھ کریندے باطن دی، ظاہری ٹھاٹھ تے ڈُھلے ہوندن

تے ہوندن بے شک پاٹیاں لیراں وچ، پر دل توں کُھلے ہوندن

کدی ڈار محل نئیں پا سکدے، راٹھاں دے کُلے ہوندن

🌹🌹🌹🥀🌹

کنڈ قطن نئیں لگدی پڑ دے وچ ہووے نسلیاں نال وپار اے

ہلی راہندی اے گل چودھار دے وچ بیلی ہووے باکردار اے

شالا سجن خزاں دا منہ نہ ویلکھیں رہوی سر تے قائم بہار اے

تینوں رولا اے بیلیا کس گل دا تیرے نال کھلوتا,, ڈار,, اے

🌹🌹🌹🌹🌹

بھکھا سد نئیں لوک کمائ بیٹھاں کائ چن پریشانی لے نئیں

کوئ اک ادھ بشر تاں من لیناں میں ورگے ہوسن سئے نئیں

توں سچا ایں میرے باطن دی تینوں بلکل خبر جو ہے نئیں

چھڑا لوکو باہر نکل ویکھیں تیرا ڈار وی عام جئی شئے نئیں

🌹🌹🌹🌹🌹

جگ جاندا اے *ڈار* دلیراں تے کنڈ مگروں اکثر وار ہوندن

اووے بنڑندن عزت داراں نوں جیہڑے ملکھ دی خود دُھتکار ہوندن

تے پھاہی لان جیہڑے بیغیرتی دی 100 فیصد آپ شکار ہوندن

لاوے ٹل دشمن ایڑی چوٹی دا رکھے خیر جے رب بیڑے پار ہوندن

🌹🌹🌹🌹❤

سجنڑاں لئ منہ چوں مردیاں تائیں ہر دم بسم اللہ کڈھنا اے

نئیں رکھنڑا *ڈار* سنگت وچوں ہر شخض بے دِلا کڈھنا اے

جیہڑا اوکھ وکھائے میں نیت لیا اے اوندے نال میں گِلا کڈھنا اے

بس ضد اے جئیں وچ آکڑ اے اوندی دھونڑ چوں کِلا کڈھنا اے

🌹🌹🌹🌹

چنگی گڈھی ائ فصل اناء والی کسے قیمت اے نئوں پُھٹنی

چائی پھردا ایں ویہلی آکڑ جہی بہوں جلدی *ڈار* اے تُرٹنی

ہینی چار دیہاڑے ٹکرن تائیں لُٹ لے جیہڑی موج ائ لُٹنی

تینوں دشمن چُننڑ اچ فرق لگا ئے بِن نسیوں جان نئوں چُھٹنی

🌹🌹🌹🌹🌹
اتھے ہر پنڈ( ڈار )دا اپنڑاں اے سارے دیکھے بھالے لوک ہن

دکھ سکھ دے سانجھے مکدے ای نئیں چوکھی عزت آلے لوک ہن

مہمان نواز ہن کوئ شک نئیں اساں ڈھیر کھنگالے لوک ہن

ضلع منڈی جوع اے راٹھاں دی دل گردے آلے لوک ہن

🌹🌹🌹🌹🌹

جہنوں پوہ اچ بال کے سیک لیائ تیرے ہاڑ دی ٹیک شجر آہ

چھاں دے کے سفر دے تھکیاں نوں دھپ لیندا اپنڑے سر آہ

کمے ہتھ نہوں تیرے سینے وچ تھاں دل دی *ڈار* پتھر آہ

توں تاں آہلنڑاں سمجھ کے ڈھا سٹیائے کسے پنچھی دا اوہ گھر آہ

🌹🌹🌹🌹🌹

راہسی منکھ جو وقت دا راٹھ ہو کے میرے بیلیا دکھ نہوں ونڈے

میرے مخلص جزبے بے قدرا ہینی تھاں تھاں جانڑ کے بھنڈے

لجپالا *ڈار* دی غربت دے لگے جدنڑ جہان تے جھنڈے

اداں سمجھ کے دھوڑ زمانے دی ہانی سجنڑ غریب چا چھنڈے

🌹🌹🌹🌹

۔پکھواں دی جان بے معنی اے جیویں سجنڑ صیاد دے کانڑ اے

انجے غرض دا بیلی سنگتاں وچ ہوندائے صرف فساد دے کانڑ اے

بندہ محنت کپ واللہ خطرہ اے لج دی بنیاد دے کانڑ اے

سپ ڈنگدائے *ڈار* دفاع دے لئی انسان مفاد دے کانڑ اے

🌹🌹🌹🌹🌹

تینوں ملکھ اچ ہولیاں کر دیسی تیرا تھاں تھاں ونج کے باہنڑاں

دو تھائیں تے ہو تقسیم گیوں نہوں کئیں پاسے دا راہنڑاں

چھڈ نام خدا دائ ہر کئیں نوں دھوکھے دیاں چھریاں واہنڑاں

بھکھا راہندائے اکثر لوک آہدن دوں گھراں دا *ڈار* پراہنڑاں

🌹🌹🌹🌹🌹🌹

جہڑی ہوئ اے ہو گئی سجنڑ خطا پر دوجی وار نہ ہوسی

وت کئیں انسان دی الفت وچ دل کملا *ڈار* نہ ہوسی

اکھیں میٹ کے کئیں دے لاریاں تے ایڈی جھب اعتبار نہ ہوسی

نفرت دا سجنڑ نیاں کوئ نئیں سونہہ رب دی پیار نہ ہوسی

🌹🌹🌹🌹🌹

گلاں جہندیاں من کے منہ وٹیائ لد چھوڑنی ہیریاں نال اے

دل ٹھاریائ ڈھیر شریکاں دا سانگا بھن کے کیریاں نال اے

ہئی آس دی گوٹ مرا چھڑی بچی سجنڑ نہ چیریاں نال اے

واہ کسے دا *ڈار* نہ پے جاوے شالا بے تکبیریاں نال اے

🌹🌹🌹🌹🌹🌹

تینوں وطن دی قدر محسوس ہوسی کدی وطن تو ہو پردیسی

قیدی ملدن نت مجبوریاں دے  اک ادھ نئیں سو پردیسی

لوکاں کانڑ تاں رونڑقاں میلیاں پیے راہندن گو پردیسی

واللہ *ڈار* مشینی زندگی ہئی پئے جیندن جو پردیسی

🌹🌹🌹🌹🌹

بندہ سوکھڑا ہووے سجنڑاں نوں  ساری عمر دی کھٹی لگدائے

متھے لگ پیاں اندر دے زخماں لئی کائ مرہم دی پٹی لگدائے

ڈنگ پھرن تے *ڈار* غریبی دی بندہ جدنڑ وی نٹی لگدائے

اداں ساہں تو ای ڈھیر پیاریاں نوں بھکھا بیلی چٹی لگدائے

🌹🌹🌹🌹🌹🌹
تیرے چن بہروپ تے وس گیا ہم میری سمجھ دا *ڈار* قصور اے

ناہی خبر جو بنے لائ بیٹھائیں میتھوں پہل پوراں دے پور اے

لائ بیٹھاں مہر میں اس گل تے تیرے اندر دا ویکھ فتور اے

کنج چھڈدائے زہر نئیں چھڈ سکدا سپ فطرت تو مجبور اے

🌹🌹🌹🌹🌹🌹

دس *ڈار* نمائشی دور دے وچ پلے کونڑ بھنیندائے سچ نوں

ہتھ دا سنگھار بنڑائ پھردن نگ سمجھ کے کملے کچ نوں

انسان توں ودھ کے ملدی اے پئی عزت موبائل دے ٹچ نوں

رہی کوئ پہچانڑ نئیں راٹھاں دی پئے شملے بجھدن کھچ نوں

🌹🌹🌹🌹🌹

میں تاں *ڈار* ہکلاں لئی وتنائیں توں تاں ڈھیر سپورٹ اکٹھ دی

انج اڈیا پھرنائیں ڈھی گئی ہئی جیویں پاور دو سو سٹھ دی

سنڑی لوگ کہانڑی بیٹھے ہن تیری چن میدان چوں نٹھ دی

شیہں مار کے بنے لاچھوڑے کہڑی جرت غرینڑی پٹھ دی

🌹🌹🌹🌹🌹🌹

ہکو توں ایں دارو زندگی دا تینوں ویکھ کے *ڈار* میں ٹھرداں

میں تاں اپنڑے آپ دے نال اج کل بس تیریاں گلاں کرداں

پراں چھوڑ جدائ دی اڑ پھس نوں تیرے سامنڑے یار میں ہرداں

میرا وس نئیں دل دی اڑ گئ اے ناں ملیں تے میں پیا مرداں

🌹🌹🌹🌹🌹🌹

ہائیا *ڈار* فریب دے دانڑیاں تے بھایا وسدی ڈار دا پنچھی

ہویا آپ اسیر آئ بھل چک توں تینوں سمجھ کے پیار دا پنچھی

تیری چوگ تے وس کے وت آسی نہ بھیں کے پار دا پنچھی

نت جھوٹ دے رکھ تے نئیں باہندا میرا چن اعتبار دا پنچھی

🌹🌹🌹🌹🌹

دتا کئیں جا ڈار تعارف نئیں چودھار تے گھوکاں رکھین

اگ بجھنڑ نئیں دتی لہجے دی ماری شوق توں پھوکاں رکھین

کیتا ڈاہڈ نئیں زور تے اسلحے تے جگرے وچ شوکاں رکھین

بندہ گلاں نال مری ویندائے سوراں کانڑ بندوقاں رکھین

🌹🌹🌹🌹🌹

داناء کوئ ڈار میں سنڑیا نئیں ہووے بنڑیا چاہگ دے سر تے

ایہہ تاں عزت ذلت ہوندی اے انسان دے بھاگ دے سر تے

اوقات توں ڈھیر چڑی گیا ایں چوکھے لوڈ وراگ دے سر تے

وڈی بھل ائ کملیا ہتھ رکھنڑاں کسے پھنئیر ناگ دے سر تے

🌹🌹🌹🌹🌹